Death threats to Tamil Actors

Tamil actors Vishal, Santhanam, Sivakumar and Nassar have received death threats from an organisation called Nataka Thiraipada Nadigarkal Madurai. Reports, the actors have alleged that they have received individual letters threatening them. Death threats were involved in the Nadigar Sangam issue.

The letter threatens the actors with severe consequences if they involve themselves in the affairs of Nadigar Sangam, again. Previously, actor Vishal had supported the release of Kamal Hassan's Vishwaroopam, and had criticised Nadigar Sangam’s lack of action during the controversy.

പ്രമുഖ തമിഴ് ഹാസ്യ താരം സന്താനത്തിനും തമിഴ് യുവ നായകന്‍ വിശാലിനും മുതിര്‍ന്ന നടന്‍ നാസറിനും വധഭീഷണി. തമിഴിലെ താരങ്ങളുടെ സംഘടനയായ നടികര്‍ സംഘത്തിന്റെ പ്രശ്‌നങ്ങളില്‍ ഇനി ഇടപെട്ടാല്‍ കൊല്ലുമെന്ന് ഭീഷണിപ്പെടുത്തി ഇവര്‍ക്ക് ഊമക്കത്താണ് ലഭിച്ചിരിക്കുന്നത്. ഇതിനു മുന്‍പും നടികര്‍ സംഘത്തിന്റെ പ്രശ്‌നങ്ങളില്‍ ഇടപെട്ടതിന് സന്താനത്തിനും വിശാലിനും നാസറിനും എതിരെ പല രീതിയിലും മുന്നറിയിപ്പുകള്‍ ഉണ്ടായിരുന്നു. ഇനിയും ഇത്തരം പ്രശ്‌നങ്ങളില്‍ ഇടപെട്ടാല്‍ ഗുരുതരമായ പ്രത്യാഘാതങ്ങള്‍ നേരിടേണ്ടി വരുമെന്ന് നേരത്തെ തന്നെ ഇവര്‍ക്ക് മുന്നറിയിപ്പ് ലഭിച്ചിരുന്നതാണ്. എന്നാല്‍ ഇത്തവണ ഇത് ഊമക്കത്തായാണ് വന്നിരിക്കുന്നത്. മൂന്നു പേര്‍ക്കും വെവ്വേറെ എഴുത്താണ് ലഭിച്ചിരിക്കുന്നത്.

ഇതിനു മുന്‍പ് കമല്‍ഹാസന്റെ 'വിശ്വരൂപം' എന്ന ചിത്രത്തിന്റെ പ്രദര്‍ശനം തടഞ്ഞ നടപടിക്ക് എതിരെ പ്രതികരിച്ച വിശാലിനും മറ്റു നടീ നടന്മാര്‍ക്കും നടികര്‍ സംഘത്തിന്റെ വിമര്‍ശനം ഏറ്റു വങ്ങേണ്ടി വന്നിട്ടുണ്ട്. അന്ന് നടികര്‍ സംഘത്തിന്റെ ഓഫീസിനു മുന്‍പില്‍ തമിഴ് നടീ നടന്‍മാര്‍ ഒപ്പു ശേഖരിച്ച് പ്രതിഷേധം നടത്തിയിരുന്നു. അന്ന് നടികര്‍ സംഘം വിശാലിനോട് ഇതിന്റെ വിശദീകരണം നല്കാന്‍ ആവശ്യപ്പെട്ടിരുന്നു. എന്നാല്‍ ഇപ്പോള്‍ ഈ കത്ത് ആരാണ് അയച്ചത് എന്നാ കാര്യത്തില്‍ ഇപ്പോഴും വ്യക്തത വന്നിട്ടില്ല.